Pernette du Guillet - Rymes 9 à 12



Orthographe selon l'édition de 1546	L'édition de 1545	Transcription plus moderne

Rymes 9
Plus ie desire, et la fortune aduerse Moins me permect que puisse celuy veoir, A qui elle eust par mainte controuerse Faict maint ennuy, si ne fust son sçauoir, Qui des Cieulx a ce tant heureux pouuoir De parvenir tousiours a son entente : Dont avec luy ce soulas puisse auoir, Que luy content, ie demeure contente		Plus je désire, et la fortune adverse Moins me permet que puisse celui voir, A qui elle eut par mainte controverse Fait maint ennui, si ne fut son savoir, Qui des Cieux a ce tant heureux pouvoir De parvenir toujours à son entente : Dont avec lui ce soulas puisse avoir, Que lui content, je demeure contente * soulas : soulagement

Rymes 10
Si tu ne veulx l'anneau tant estimer, Que d'vn baiser il te soit rachetable, Tu ne doibs pas, au moins, si peu l'aymer, Qu'il ne te soit, non pour l'or acceptable, Mais pour la main qui pour plus rendre stable Sa foy vers toy, te l'a voulu lier D'vn diamant, ou tu peux desplier Vn cueur taillé en face perdurable, Pour te monstrer que ne doibs oublier, Comme tu fais, la sienne amour durable		Si tu ne veux l'anneau tant estimer, Que d'un baiser il te soit rachetable, Tu ne dois pas, au moins, si peu l'aimer, Qu'il ne te soit, non pour l'or acceptable, Mais pour la main qui pour plus rendre stable Sa foi vers toi, te l'a voulu lier D'un diamant, où tu peux déployer Un coeur taillé en face perdurable, Pour te montrer que ne dois oublier, Comme tu fais, la sienne amour durable

Rymes 11
Comme le corps ne permect point de veoir À son esprit, ny sçauoir sa puissance : Ainsi l'erreur, qui tant me faict avoir Deuant les yeux le bandeau d'ignorance, Ne m'à permis d'auoir la connoissance De celuy là que, pour pres le chercher, Les Dieux avaient voulu le m'approcher : Mais si hault bien ne m'asceu apparoistre. Parquoy à droict l'on me peult reprocher Que plus l'ay veu, et moins l'ay sceu connoistre.		Comme le corps ne permet point de voir À son esprit, ni savoir sa puissance : Ainsi l'erreur, qui tant me fait avoir Devant les yeux le bandeau d'ignorance, Ne m'a permis d'avoir la connaissance De celui-là que, pour près le chercher, Les Dieux avaient voulu le m'approcher : Mais si haut bien ne m'a su apparaître. Par quoi à droit l'on me peut reprocher Que plus l'ai vu, et moins l'ai su connaître.

Rymes 12
Le Corps ravy, l'Ame s'en émerveille Du grand plaisir qui me vient entamer, Me rauissant d'Amour, qui tout esueille Par ce seul bien, qui le faict Dieu nommer. Mais si tu veulx son pouuoir consommer : Fault que par tout tu perdes celle enuie : Tu le verras de ses traictz se assommer, Et aux Amantz accroissement de vie.		Le Corps ravi, l'Âme s'en émerveille Du grand plaisir qui me vient entamer, Me ravissant d'Amour, qui tout éveille Par ce seul bien, qui le fait Dieu nommer. Mais si tu veux son pouvoir consommer, Faut que par tout tu perdes cette envie : Tu le verras de ses traits s'assommer, Et aux Amants accroissement de vie.