Pernette du Guillet - Rymes 13 à 16



Orthographe selon l'édition de 1546 (impression de l'édition de Paris, 1830)	L'édition de 1545	Transcription plus moderne

Rymes 13
L'heur de mon mal, enflammant le desir, Feit distiller deux cueurs en vn debuoir : Dont l'vn est vif pour le doulx desplaisir, Qui faict que mort le tient en son pouuoir. Dieu aueuglé, tu nous as faict auoir Du bien le mal en effect honorable : Fais donc aussi que nous puissions auoir En nos espritz contentement durable.		L'heure de mon mal, enflammant le désir, Fit distiller deux cœurs en un devoir : Dont l'un est vif pour le doux déplaisir, Qui fait que mort le tient en son pouvoir. Dieu aveuglé, tu nous as fait avoir Du bien le mal en effet honorable : Fais donc aussi que nous puissions avoir En nos esprits contentement durable.

Rymes 14
Le grand desir du plaisir admirable Se doit nourrir par vn contentement De souhaicter chose tant agreable. Que tout esprit peult rauir doucement. O que le faict doit estre grandement Remply de bien, quand pour la grande enuie On veut mourir, s'on ne l'a promptement : Mais ce mourir engendre vne autre vie.		Le grand désir du plaisir admirable Se doit nourrir par un contentement De souhaiter chose tant agréable. Que tout esprit peut ravir doucement. Ô que le fait doit être grandement Rempli de bien, quand pour la grande envie On veut mourir, s'on ne l'a promptement : Mais ce mourir engendre une autre vie.

Rymes 15
Pour contenter celuy qui me tourmente, Chercher ne veulx remede à mon tourment : Car en mon mal voyant qu'il se contente, Contente suis de son contentement		Pour contenter celui qui me tourmente, Chercher ne veux remède à mon tourment : Car en mon mal voyant qu'il se contente, Contente suis de son contentement

Rymes 16
L'ame et l'esprit sont pour le corps orner, Quand le vouloir de l'Eternel nous donne Sens et sçauoir pour pouuoir discerner Le bien du bien que la raison ordonne. Par quoy si Dieu de telz biens te guerdonne, Il m'a donné raison qui a pouuoir De bien iuger ton heur et ton sçauoir. Ne trouve donc chose si admirable, Si à bon droict te desirent de veoir Le Corps, l'Esprit et l'Ame raisonnable. * guerdonner : récompenser heur : bonheur		L'âme et l'esprit sont pour le corps orner, Quand le vouloir de l'Eternel nous donne Sens et savoir pour pouvoir discerner Le bien du bien que la raison ordonne. Par quoi si Dieu de tels biens te guerdonne, Il m'a donné raison qui a pouvoir De bien juger ton heur et ton savoir. Ne trouve donc chose si admirable, Si à bon droit te désirent de voir Le Corps, l'Esprit et l'Ame raisonnable.